BUTUAN CITY – Ang pagpa-ilalom sa swab test sa nangreklamong mga vendors ug stall owners sa Ampayon Public Market maoy solusyon sa ilang reklamo. Kini ang tubag ni Michiko de Jesus, tigpamaba sa Butuan City government dihang gpangayuan og reaksyon sa mahimong aksyon sa nasangpit nga reklamo.
Sa eksklusibong pakighinabi sa Bombo Radyo Butuan, gipadayag ni de Jesus nga niadtong paggawas sa positive result, dapat wala na naglakaw-lakaw pa ang mga hingtungdan ug hinuon nag-self isolate na sila aron masigurong dili makatakod ang mugawas unyang magpositibo sa swab test.
Aminado ang opisyal nga katungod ni bisan kinsa ang mukuha og second opinion higayong duna siya sa resulta sa test apan kinahanglan gihapong unahon ang pagsunod sa nagtunhay nga health protocols.
Bisan matud pa og gidiskurahe na ang paggamit sa rapid test apan gipasabot sa opisyal nga kini ang magsilbing early detection sa mga tawong angayang ipa-ilalom sa swab test.
