BUTUAN CITY – Gikoral na ni Elly Macasero ang ilang 1,900-square meters nga luna sa yuta sa may Brgy. Ong Yiu ning siyudad sa Butuan human nga gi-apil na sa lunang gi-angkon na usab sa tribung Lapaknon.
Sigon ni Atty. Salino, abogado sa pamilya Macasero, ang maong luna na-lease niadtong wala pa ang COVID-19 apan mi-expire na rason nga gipakoral kini kondiin wala’y resistance nga nahitabo kaganina sukwahi ning mi-agi.
Wala matud pa’y on-going nga kaso gawas sa usa ka nagpatukod og balay nga binata sa iyang kliyente kinsa gikatakda nilang kasuhan human nga wala mihawa taliwa nga misaad na dihang gipa-barangay nga biyaan na ang maong luna.
Gihimong rason sa maong indibidwal ang iya matud pang pagka-membro sa tribong Lapaknon.
Dugang ni Atty. Salino, naglukat sila og fencing permit sa City Hall isip pagsunod sa balaud aron makoral ang area nga una nang na-lease sa tag-iya.
