BUTUAN CITY – Unrestricted na unya kon bukas na sugod karong Nobyembre 15, adlaw’ng Lunes, ang Surigao del Norte, base sa nasabutan sa Provincial Inter-Agency Task Force.
Sa eksklusibong pakighinabi sa Bombo Radyo Butuan, gipadayag ni assistant provincial administrator Sim Castrence nga buot ipasabot niini nga tangtangon na nila ang ilang mga provincial quarantine checkpoints rason nga makalusot-lusot na ang mga gustong manulod ug mugawas sa ilang lalawigan.
Wala na usab silla’y pangayuong mga rekisitos aron ipakita sama sa ilang gihimo niadtong pagsugod pa lang sa pandemyang hatud sa COVID-19.
Alayon niini , bukas na usab ang ilang mga establisamiento ug mga kompanya apan gipakusgan nila ang kampanya alang sa QR code kondiin tinguha nilang mu-abot na sa 70-porsiento sa ilang mga constituents ang duna na niini.
Gipasabot sa opisyal nga ang QR code mao ang gamiton higayong duna’y himuong contact tracing higayong duna’y mga Surigaonong magpakita og mga simtomas sa makamatay nga sakit.
Sa pagkakaron, subsob ang ilang gihimong rehistrasyon alang sa paghtag og QR Code ug posible matud pang himuon kining regionwide.
