BUTUAN CITY – Nadugangan na usab og usa ka bag-ong patay ug 28 ka mga bag-ong kaso sa COVID-19 ang Caraga Region kondiin 16 niini mga lalaki samtang 12 ang mga babaye ug 68-porsiento ang anaa sa edad nga 21 hangtud 50-anyos.
Ang mga bag-ong kaso nabahin sa usa ka kaso sa Barobo, Surigao del Sur; 2 ka mga kaso sa lungsod sa Las Nieves, Agusan del Norte; 3 ka mga kaso sa Tandag City nga natala sa Brgy. Telaje-2 ug usa sa Brgy. Bongtud; 7 ka mga kaso usab sa San Isidro, Surigao del Norte ug pinakadaghan sa Butuan City nga natala sa Brgy. Ambago -6; 2 sa Villa Kananga ug tag-usa na sa Brgy. Ampayon, Diego Silang, Doongan, Humabon, Limaha, Libertad ug Maon.
Sa maong ihap, 24 ang wala’y mga simtomas kon asymptomatic, 1 ang milld og 3 ang grabe kon severe ug 27 kanila ang gi-quarantine na, gi-monitor ug gi-atiman samtang ang namatay mao ang usa ka 77-anyos nga lalaking taga-Butuan kinsa diabetic ug gidala sa ospital niadtong Nobyembre 4 ug namatay paglabay sa pipila ka mga oras.
Tungod niini, ang Caraga Region duna na’y 2,924 ka cumulative COVID-19 cases kondiin 456 ang mga aktibong kaso, 130 na ang mga patay ug 2,368 na ang mga nakarekober.
