BUTUAN CITY – Na-stress na’g humuwat sa resulta sa ubang mga estado ang mga supporters nila US President Donald Trump ug Republican candidate Joe Biden ilabina nga unom ka electoral votes na lang ang gikinahanglan aron iya nang makab-ot ang gikinahanglang 270 ka mga boto nga maoy magdala kaniya sa White House.
Sa eksklusibong pakighinabi sa Bombo Radyo Butuan, gipasabot ni Ferdinand Nakila, lumad nga taga-Cabadbaran City ug atua na nagtudlo sa San Francisco, California, nga light blue ang gikolor karon sa estado sa Nevada tungod kay buot ipasabot niini nga sa nagpadayong hagpatay sa mga balota, 75-porsiento na sa maong mga boto ang nakuha ni Biden.
Kung mudaog na si Biden sa Nevada nga duna’y 6 ka mga electoral votes, siya ang mudaog pagka-presidente ug sa iyang nasayran, sa Huwebes pa kon adlaw’ng Biernes ipagawas ang resulta sa eleksyon sa maong estado.
Ang uban matud pa nga mga estadong wala pa makahatag sa ilang resulta sama sa Alaska nga duna’y 3 ka electoral votes, Georgia – 16, North Carolina -15 ug Pennsylvania-20, naka-pink na kansa buot ipasabot nanguna si Trump sa hagpatay.
Kung mahurot matud pa kini og kuha ni Trump ug madugang sa iyang nakuhang 214 ka electoral votes, 268 ra ang makuha niining boto nga kulangon pa og duha.
Tungod niini, kinahanglan gyong dag-on ni Trump ang tanang nahabiling unom ka mga swing states aron siya ang makadaog.
Higayong dili makuha ni Trump ang tanang nahabiling swing states, siguradong muhimo na usab kini og mga lakang nga magbabag sa kada-ugan ni Biden ilabina nga daan na niining gikondisyon ang huna-huna sa katawhan nga mudangop sa Korte Suprema.
