-- ADVERTISEMENT --
BUTUAN CITY – Narekober na ang katapusang tulo ka patay’ng lawas sa mga minero nga nalubong nga buhi sulod sa gikabot nilang tunnel human ang mudslide sa Brgy. Casting, lungsod sa Marihatag, Surigao del Sur.
Sa eksklusibong pakighinabi sa Bombo Radyo Butuan, gipadayag ni Gerry Avila, hepe sa Municipal Disaster Risk Reduction and Management Council sa maong lungsod, kaganinang alas-2:55 ning hapuna lang nahurot og haw-as sa mga rescuers ug divers ang katapusang tulo , nga gilangkuban nila Menard de Jesus, Angelito Sicup ug Leo Reyes.
Tungod kay coordinated na ang operasyon, paspas nga nadala sa punerarya ang mga patay’ng lawas.
