BUTUAN CITY- Mitala og dugang 93 na usab ka mga bag ong kaso sa COVID-19 ang Caraga Region kondiin 59% ang nag edad sa 31 ngadto sa 50 anyos ug 57% kon 53 mga lalaki ug 43% kon 40 mga babae.
Sa maong ihap, nakatala og 14 ka kaso ang Agusan del Norte nga gilangkuban sa municipalidad sa Buenavista-8, Nasipit- 2 ug tag usa sa Carmen, RTR,Santiago ug Tubay.
Samtang 6 ka kaso sa Cabadbaran City nga gilangkuban sa Brgy Soriano-2 ug tag usa sa Bgy.11, Brgy.12, La Union ug Tolosa.
Ug 12 ang nadugang usab sa Agusan del Sur nga mao ang Loreto-6, San Francisco-4 ug tag usa sa Prosperidad ug Trento samtang usa usab sa Bayugan City.
Ang Surigao del Norte mitala ug duha kondiin tag usa sa Bacuag ug Dapa ug ang Surigao City dunay dugang 21 ka mga kaso pinaagi sa Washington-12, Luna- 4, Taft- 2 ug tag usa sa Cogniog, Canlalipa, ug San Juan samtang usa sa Mabua,Tandag City.
Mitala og 4 usab ang Bislig City pinaagi sa Brgy. Mangagoy-2 ug tag usa sa Poblacio ug San Roque.
Samtang pinakadaghan ang Butuan City nga dunay 32 ka kaso nga gilangkuban sa San Vicente-5, Villa Kanangga-4, Baan KM3- 3 ug tag duha sa Ampayon, Diego Silang ug Libertad samtang tag usa sa Ambago, Baan Riverside, Bading, Bancasi, Bit-os, Dagohoy, Doongan, Golden Ribbon, Limaha, Masao, Obrero, Pangabugan,Taguibo ug Tandang Sora.
Gikan sa maong ihap, 39 ang local transmission kondiin 43 ang bag-ong local transmission, 22 dunay close contact, 10 mga health worker ug 4 mga Frontliner samtang sa laing bahin 1 ang dunay travel history, 6 mga naka close contacts sa miaging nagpositibo sa sakit, 2 mga Health care worker,1 frontliner ug 4 ang walay travel history apan nagpositibo sa sakit samtang 4 ang mga asymptomatic, 38 mild ug 12 mga severe.
Sa kasamtangan, ang 89 niini mga gi-kwarantina, gimonitor ug giatiman.
Samtang karung adlawa mitala ug 4 ka mga bag-ong namatay sa sakit kondiin usa ka 53 anyos nga lalaki gikan sa Buenavista Agusan del Norte kansa walay comorbidity,kalit nga paglisud og ginahawa ug pagpangluya sa lawas niadtong Octobre 2 ug na admit niadtong Octobre 3 apan namatay sa susamang adlaw.
Ang ikaduha mao ang 83 anyos nga lalaki gikan sa Trento Agusan del Sur kansa walay comorbidity, kalit nga hilanat ug ubo niadtong Septembre 30 ug na admit niadtong Octobre 2 apan tungod sa komplikasyon namatay kini niadtong Octobre 5.
Ug ang ikatulo mao ang 68 anyos nga babae gikan sa Surigao City kansa Hypertensive ug Diabetic, kalit nga paghilanat, lisud sa pagginhawa niadtong Septembre 29 ug na admit niadtong Octobre 1 ug namatay sa susamang adlaw.
Ang ika upat mao ang 74 anyos nga lalaki gikan Surigao City usab kansa Hypertensive,kalit nga ubo ug paglisud sa pagginhawa niadtong Septembre 30 ug gidala sa ospital niadtong Octobre 4 apan namatay human milabay ang pipila ka oras.
Sa karun ang Caraga Region dunay kinatibuk-ang kaso nga moabot na sa 1,834 kondiin 1155 na ang nakarekober, 605 ang aktibong kaso ug 74 na ang patay.
