BUTUAN CITY – Mapasalamaton kaayo sa Bombo Radyo Butuan ang usa ka Locally Stranded Individual (LSI) human kini hingpit nang makapauli sa iyang lungsod sa San Luis, Agusan del Sur human kini natanggong City Sports Complex sa Brgy. Libertad ug gilayong na-facilitate sa Bombo Radyo reportorial Team.
Sigon ni Roland Bada sa pakighinabi ning sibyahan, adiser siya mibiya sa kauluhang Manila, una na siyang nakig-alayon sa lokal nga panggamhanan sa San Luis alang sa pagsundo kaniya pauli, apan kutob lang matod pa ang sakyanang mokuha kaniya sa boundary diha sa Tabun-tabun hinungdan giproblema niya kung unsaon pagpa-uli.
Nahibulong usab si Roland tungod kay pag-abot niini sa Sports Complex gitambagan matod pa siya sa usa ka sundalo nga mag-commute na lang ug ipakita lang ang dala niining negative rapid test result taliwa nga gikan kini sa laing lugar.
Tungod niini nagpatabang na siya sa Bombo Radyo Butuan kung unsa ang angay niyang buhaton aron dili mahimong hulga sa katawhan ang iyang pagpa-uli.
Wala gipakyas ning sibyahan ang iyang kabalaka ug sulod lang sa pipila ka minutos, na-facilate na kini ug hingpit nang nasundo sa sakyanang gikomisyon sa ilang lokal nga kagamhanan.
