5 ka ROFs nadakpan tungod sa pag-inom sulod sa quarantine facility

BUTUAN CITY – Nadakpan ang lima ka mga Returning Overseas Filipinos kon ROFs human nag-inom sulod sa quarantine facility sa Ormoc City.

Sigon ni PMaj Joel Talagon, tigpamaba sa Ormoc PNP sa pakighinabi sa Bombo Radyo Tacloban, nakadawat sila og tawag kalabot sa pag-inom sa gi-isolate nga mga ROFS kinsa unom ka adlaw pa lang sa maong facility.

Narekober sa kapulisan ang mga botelya sa imnunon.

Nasayrang ilawom pa gihapon ang tibuok Eastern Visayas sa General Community Quarantine rason nga hugot nga gibawal ang pag-inom.