BUTUAN CITY – Wala na’y tsansa pang mabalik ngadto sa mga investors ang ilang gibubo nga kwarta ngadto sa Kabus Padatoon kon KAPA-Community Ministry International human naaresto ang founder niini nga si Joel Apolinario sa resort niini sa Sitio Dahican, Brgy. Salvacion lungsod sa Lingig, Surigao del Sur.
Sa ekskusibong pakighinabi sa Bombo Radyo Butuan, gipadayag ni PMaj. Renel Serrano, information officer sa Police Regional Office kon PRO13, dili na angayang maglaum pa ang mga investors sa ilang kwarta nga sanglit naaresto na si Apolinario.
Samtang kung hisgutan usab ang mga freezed accounts ni Apolinario, giklaro ni PMaj Serrano dili na kini sakop sa ilang hurisdiksyon apil na ang mamahimong disposisyon niini ilabina nga si Pangulong Rodrigo Duterte ang nagmando niini niadtong 2019.
