BUTUAN CITY – Gibisita sa mga kadagkuan sa Department of Health kon DOH-Central Office sa pagpanguna ni Dr. Nestor Bonagua, Jr. ang area alang sa proposed Molecular Diagnostic Laboratory kon COVID-19 RT-PCR Testing Center nga itukod sa Provincial Health Office sa Agusan del Sur partikular sa compound sa Patin-ay, lungsod sa Prosperidad,.
Sa pakighinabi sa Bombo Radyo Butuan gipadayag ni Alfredo Nonoc Plaza, Provincial Public Information Officer sa Agusan del Sur nga gigahahinan og 17 milyones pesos ang maong proyekto nga gila-umang matapos sa bulan sa Oktubre ning tuiga ug gila-umang pagka-Disyembre mamahimo na kining full operational.
Gidugang pa sa opisyal nga samtang padayon pa ang paghikay sa maong testing laboratory, karon pa lang gipangitaan na nila kini ug dugang personahe uban ang provincial health office aron mu-man sa maong laboratoryo ugaling ma-fully operational na kini.
