BUTUAN CITY – Ugma nang adlawa Huwebes, Hulyo 9 ang blood letting activity nga pangunahan sa barangay council sa Barangay Doongan ning siyudad uban sa pakig-alayon sa Bombo Radyo Butuan nga himuon sa ilang covered court kans sugdan sa alas 8:00 sa buntag.
Sigon ni Kapitan Gilbert Enriquez sa eksklusibong pakighinabi sa Bombo Radyo Butuan, inisyatiba kini sa barangay council sa pakig-alayon sa Philippine Red Cross, City Health Office og sa Bombo Radyo Butuan bisan paman sa hulga nga dala sa Covid-19.
Gibutyag niining dili pwedeng mohunong ang blood donations tungod kay padayong nanginahanglan niini ang mga ospital ilabina taliwa ning panahon sa pandemya.
Muabot sa 50 ka mga blood donors ang target nga makuhaan og dugo ug sigon ni Kapitan Enriquez, pwede maka-apil ang taga laing barangay dayung pasalig nga nakalatag na ang plano aron masunod gihapon ang nag-unang health protocol sama sa social distancing.
Sigon pa sa Kapitan nga Ang gustong moapil sa maong aktibidad isyuhan og emergency pass tungod kay gipatuman man ang color-coding sa mga quarantine passes.
Samtang gawas sa pagpakuha og dugo, dunay serbisyung dental usab ang ihatag lakip na ang medical checkup alang sa mga mabdos. Sa malampusong makuhaan og dugo duna kini madawat nga pahalipay nga bugas og Souvenier T-Shirt gikan sa Bombo Radyo.
