BUTUAN CITY – Gikumpirma ni Ariem Cinco, tigpamaba sa Department of Education kon Deped-Caraga nga as of ala-una kagahapon sa hapon, kapin sa 50-porsiento lang sa target enrollees ang nagpa-enrol sa mga tunghaan sa entiro rehiyon.
Sa eksklusibong pakighinabi sa Bombo Radyo Butuan, gipadayag sa opisyal nga sa elementary level, mi-abot pa lang sa 240,689 ang gidaghanon sa nagpa-enrol kansa 56.11-porsiento lang kung ikumpara sa total enrollees ning mi-aging school year 2019-2020. Samtang sa sekondarya, mi-abot sa 155,442 ang mg nagpa-enrol kansa 57-porsiento lang kung ikumpara usab sa total enrolees ning mi-aging tuig.
Kini usab ang hinungdan nga sama sa ubang mga tunghana sa tibuok kalibutan, gilugwayan ang enrolment period sugod ning adlawa hangtud na sa Hulyo 15.
Apan sama sa gihapon, wala’y face-to-face enrolment nga himuon tungodkay kinahanglan lang nga ilhulog sa drop box sa matag-tunghaan ang enrolment form.
Gidugang sa opisyal nga duna na sila’y gihimong mga lakang aron lang makuha ang ilang trget enrollees uban sa pag-abag sa ilang mga stakeholders ingon man ang mga local government units.
Mala-umon ang opisyal ng madugangan pa ang maong ihap sa pagligid sa mga adlaw dungan sa panawagan sa mga ginikanan nga dili na hulaton pa ang deadline sa extension.
Base sa inisyal survey nga ilang gihimo atol sa enrolment period, kapin sa 50-porsiento matud pa sa mg nagpa-enrol ang pabor nga gamiton nila ang modular learning samtang 33-porsiento ang gusto pa gihapon sa face-to-face learning.
