BUTUAN CITY – Laumang mas musaka pa ang matalang COVID-19 cases sa Estados Unidos tungod sa wala’g-tuong mga lihok protestang gihimo sa 25 ka mga syudad human ang pagkamtay sa Black-American nga si George Floyd samtang anaa sa mga kamot sa usa ka sa pulis sa Minneapolis, Minnesota.
Sa eksklusibong pakighinabi sa Bombo Radyo Butuan kang Ferdinand Nakila, lumad nga taga_Cabadbaran City ug nagtudlo na sa Los Angeles California, gipadayag niining wala na panumbalinga sa mga protesters ang hulga sa coronavirus.
Sumala ni Nakila kadaghanan sa mga protesters misakay sa panahon aron lang makakawat sa mga establishemento tungod kay kahibalo silang dili kaya sa kapulisan sa mga syudad ang ilang gidaghanon.
Gani sigon ni Nakila sa iyang lugar pa lamang duol sa gitudloan niini, wala’g tuo usab ang pagpangawat sa mga protesters sanglit kadaghanan sa area duna’y mga mga adunahang establishemento nga naninda og mga mahalong mga kahimanan hinungdan Hinungdan temporaryo usab gisuspendi ang ubang trabaho.
Gidugang niini wala usab gipanumbaling ang lockdown ug curfew nga gipatuman gani pati mga pawnshop, jewelry shop ug uban pa establishmento wala gipasaylo sa mga protesters nga misabay sa panahon aron lang makatangang og mga mahalong butang.
Gidudang pa niini nga tungod kay dili kaya sa kapulisan nga pugngan ang mga protesters hinungdan nagdugang na sila og national guardsa tungod kay dili na protesta ang makita sa kadaghanang syudad sa Amerika kundi puro nga krimen.
