BUTUAN CITY – Pormal nang na-turn over sa Bombo Radyo Butuan ngadto sa Butuan Medical Center kon BMC ang 20 ka mga isolation gowns nga gitugyan usab sa kongregasyon sa Faith Baptist Church pinaagi ni Pastor Vicente Serrano dinhi sa sibyahan aron maoy mupili sa hatagan niini.
Si COVID-19 Department head Dra. Caridad Burdeos-Plete maoy midawat sa nasangpit nga isolation gowns dayong pagpa-abot sa iyang pasalamat.
Iyang gibutyag nga ang maong gown nga kabahin lang sa gikinahanglan nilang mga Personal Protective Equipment kon PPEs dakong tabang sa ilang tinguhang malikayan pa ang pagkaylap sa impeksyon.
Gidugang ni Dra. Plete nga ha-um kaayo kining gamiton sa mga health workers ilabina nga kini ang gamiton sa level 2 ug maoy kasagaring mahutdan.
