BUTUAN CITY – Anaa karon sa COVID-19 level 4 kon total lockdown ang New Zealand tungod sa padayong hulga nga hatud sa makamatay nga coronavirus.
Kini ang pagbutyag sa Butuanon nga si Ericson Namoc kinsa registered nurse rason nga usa sa mga frontliners sa maong nasud.
Sa eksklusibong pakighinabi sa Bombo Radyo Butuan, gipadayag ni Namoc nga istriktong gipatuman sa maong nasud ang lockdown policy sama sa pag-obserba sa home quarantine, wala’y klase og wala’y trabaho gawas lang niadtong duna’y essential works sama kanila.
Ang nakanindot sa maong nasud tungod kay duha ka adlaw adiser ang lockdown, nag-iyahay na pagpanira sa ilang mga establisamiento ang katawhan ug nag-home quarantine na usab ang tanan.
Ang mga tindahan lang usab nga namaligya ug mga pagkaon apil na ang mga parmasya ang abli dungan sa pagklaro nga makagawas gihapon sila sa ilang panimalay kung duna’y importanteng paliton o kaha mag-exercise.
Ang nakanindot matud pa sa New Zealand tungod kay naggahin og dakong kwarta ang gobyerno around una’y mahatag nga subsidy ngadto sa mga kompanya aron makahatag gihapon og sweldo ngadto sa ilang mga empleyado bisan og wala’y trabaho tungod sa ‘No Work, No Pay’ policy.
Samtang bisan og wala’y bangko, mamahimo gihapon silang makapadala og kwarta dinhi sa Pilipinas gamit ang internet banking.
Samtang base sa abiso sa ilang kagamhanan, balik na sila sa level 3 karong Martes ang ilang COVID-19 status nga mulungtad og duha ka semana ug dinhi na i-assess sa kagamhanan kung angayan na bang pa-ubsan pa ang maong level o dili.
