BUTUAN CITY – Padayon karung nagpa-alim sa balay tambalanan ang na-angol nga drayber human gipamusil matud pa tropa sa 75th Infantry Battalion, Philippine Army sa dihang nag-deliver og ginabas nga kahoy sa Hinatuan, Surigao Del Sur.
Sa maong panghitabo nga natigayon mga alas 3:00 sa buntag niadtong Martes, napatay ang helper niini nga si Leonardo Saavedra, 23-anyos, minyu ug residenti ra usab sa maong lugar.
Sa pakighinabi ning sibyahan sa nasamdan nga si Alex Bolaso, 17-anyos, giasuy niini nga niadtong higayona nagkarga sila og ginabas nga kahoy nga lawaan nga pangbalay apan sa dihang paghidangat nila sa subidahong parte sa Pandawan lungsod s Hinatuan, kalit lang silang gitaparan sa 2 ka single motor nga dunay tag-duha ang sakay nga nakasibilyuan og kalit nga gipusil ang ligid sa ilang sakyanan nga miigo usab sa makina rasong kini napalong.
Dinhe na siya miambak og midagan sa dagbutan apan sa iyang paglinge nakaluhod na ang iyang kauban tungod diya kadto sa samad nga miigo sa pus-on nga maoy hinungdan sa iyang kamatayon.
Samtang siya mikaratil pagdagan sa kasagbutan diin gipasundan pa kini og bala rasong na-igo kini sa walang tiil.
Dako ang pagtoo ni Bolas nga mga sundalo ang mispusil kanila tungod kay paglabay sa 15 minutos, dali usab nga mibaot ang sakyanan sa kasundaluhan nga maoy nagdala usab kaniya padulong sa Butuan Medical Center og migasto pa sa pagpatambal.
Apan gi-angkon ni Bolaso nga walay pormal nga pag-angkon ang mga sundalo. Samtang nagpa-ayo na kini human na-operahan kagbii ang iyang tiil aron makuha ang bala.
Una nang gibutyag ni P/Maj. Isagani Ybañez, hepe sa Hinatuan Municipal Police Station nga naglusad ug mobile checkpoint ang kapulisan kauban ang Task Force Kalikasan ug mga CAFGU nga ubos sa 75th IB Phil. Army aron madakpan ang mga suspek nga nagpalusot ug illegal nga kahoy.
Gihimu ang operasyon human gipatuman sa Bislig City, Surigao del Sur ang kampanya batok sa illegal logging apan nakalusot ang mga suspek ug mitipas sa laing dalan.
