BUTUAN CITY – Human gisikop ug napasakaan og kaso tungod sa ilegal nga pag-transport og mga pretoleum products sa Surigao City, laing kaso na usab ang gi-atubang ni kanhi Banza, Butuan City barangay captain og kanhi Association of Barangay Captains kon ABC-Butuan City Federation President Nestor Amora.
Kini human nga laing arrest warrant na usab ang gi-serve subay na sa kasong kidnapping ug serious illegal detention ngadto sa 60-anyos nga negosyanteng suspek nga residente sa P-7, Brgy Banza, ning siyudad pasado ala-1:30 sa hapon didto sa Brgy. Taft, Surigao City. Ang arrest warrant gi-isyu ni Judge Fernando Fudalan Jr., acting presiding judge sa RTC Branch 7, nga nakabase sa Bayugan City, Agusan del Sur pinetsahan niadtong Enero 30 ning tuiga nga wala’y pyansang girekomenda.
Gi-serve ang maong mandamiento de aresto sa mga sakop sa Regional Intelligence Divison kon RID-13, Military Inteligence Group 16, Regional Untelligence Unit kon RIU-3, Provincial Intelligence Battalion sa Surigao del Norte, Maritime PNP 13, RSOG 13, CIDG SDN, Sibagat Municipal Police Station ug Surigao City Police Station sa nadetinihan niini sa Surigao City police station alang sa tukmang disposisyon.
Karon gibutyag ni Surigao City Police Station Chief LtCol Christian Rafols nga gibalhin na si Amora sa Sibagat Municipal Station human gi-serve ang arrest of warrant niini subay na kasong kidnapping ug serious illegal detention samtang ang upat niini ka mga ka-ubanan nga nasikop human ang ilegal nga pag-transport sa mga pretoleum products, naghulat na lang sa mamahimong resulosyon sa korte kung unsa ang mamahimong disposasyon kanila.
