BUTUAN CITY – Naka-abot na sa iyang pinuy-anan sa Barangay Crossing Luna,Esperanza,Agusan del sur ang patay’ng lawas sa overseas Filipino worker kon OFW nga napatay sa car accident sa Kuwait.
Nasayran nga ang 37-anyos nga si Mary Joy Tajo nabanggaan og motorsiklo sa Salmiya, Kuwait niadtong Disyembre 31, 2019.
Gidala pa kini sa ospital apan gideklarang dead on arrival samtang Nalandig usab sa balay-tambalanan ang drayber sa nakabanggang motorcycle.
Sumala sa taho, ang amahan sa biktima nakadawat og impormasyon mahitungod sa panghitabo pinaagi sa igsoon ni Mary Joy kansa usa usab ka OFW.
Kumpirmahon pa sa Overseas Workers Welfare Administration kon OWWA- Caraga kung ang biktima aktibo bang miyembro sa ahensiya aron mahatagan og tabang pinansiyal ang pamilya niini.
Si Tajo usa ka supervisor sa fast food chain sa Kuwait diin nagsugod siyang nagtrabaho isip OFW niadtong 2002.
Ang pag-abot sa patay’ng lawas niini, pipila ka adlaw lang human miabot ang patay’ng lawas usab ni Jeanalyn Villavende, ang Pinay nga gikulata hangtud nga namatay sa iyang amo didto sa Kuwait.
