BUTUAN CITY – Padayon pa ang imbestigason kapulisan sa Lingig, Surigao del Sur aron masuta ang motibo sa pagpusil-patay sa duha ka wala mailang responsable ngadto sa usa ka mag-uuma.
Gi-ila ni PMajor Rennel Serrano ang biktimang si Hilario Baldimor, 68-anyos, residente sa Sitio Canaan, Brgy. Mahubay sa maong lungsod.
Migawas sa inisyal nga imbestigasyon, nga gisulod sa iyang tindahan ang biktima pasado alas-dies ning mi-aging gabii og gipusil resulta sa iyang hinanaling kamatayon samtang daling misibat padulong sa wala pa matinonng direksyon ang mga responsable.
Samtang laing kaso sa pagpamusil usab ang natigayon sa Purok 6-A, Brgy. Bayugan 3, lungsod sa Rosario, Agusan del Sur nga mibiktima kang Federico Galvez, hingkod ang pangidaron.
Sigon ni Serrano, gituyuan gyod sa wala pa mailang suspek ang pagsulod sa balay sa biktima dayong pusil sa ulo niini dayong sibat. Padayon pang nagpa-alim sa na-angkong samad-pinusilan ang biktima ug gipanubayan na usab sa kapulisan ang maong panghitabo.
Lain pang kaso sa pagpamusil ang natigayon sa Prk 4. Bgry. Camayahan, Butuan City nga mibiktima sa 21-anyos nga si Anthony Salcedo Tajale human gipusil ni Michael Gregorio, 27 anyos, gamit ang kalibre 38 nga armas.
Sigon ni PCaptain Rodel Durado, station commander sa Butuan City Police Station 4, nag-inom matud pa ang biktima uban sa mga higala dihang kalit lang nga miduol ang suspek dayong ti-on sa armas apan wala gilayon kini nakabuto rason nga nakadagan pa si Tajale resulta nga sa bukton lang kini na-igo.
Samtang nasikop sa follow-up operation ang suspek kinsa nakuhaan pa og indian pana sa iyang pinuy-anan apil na sa armas nga iyang gigamit sa kremin.
