-- ADVERTISEMENT --
BUTUAN CITY – Padayon pang gisuta sa ginsakpan sa Bureau of Fire Protection kon BFP-Butuan ang ihap sa mga pamilya ug indibidwal nga nasunugan ning adlaw sa bisperas sa Pasko sa Purok Ube, Brgy. Maon ning siyudad.
Sigon ni SFO4 Rodrigo Canton sa eksklusibong pakighinabi sa Bombo Radyo Butuan, apil sa ilang gisuta ang gigikanan sa kalayo ug ang kinatibuk-ang damyos sa tulo ka mga pinuy-anan nga pulos gama sa mga light materials.
Sa pagkutlo niini nga balita, manageable na ang kalayo apan padayon nilang gikumbatihan pagpalong aron dili na mu-ulbo pa.
Gisuta pa usab ang report nga duna’y usa ka indibidwal nga na-angol sa maong sunog ug ang kamatu-uran nga kini nasunugan sa iyang buhok.
