BUTUAN CITY – Hingpit nang nakapili sa ilang mga bag-ong presidente ug besi-presidente alang sa Sangguniang Panlungsod kon SK Federation ning siyudad sa Butuan ang 84 sa 86 ka mga SK chairmen sa rural ug utban barangays ning siyudad.
Nasayrang si Cynth Zephanee ‘Panpan’ Nietes – ang SK chairman sa Brgy, Libertad ang midaog isip SK Federation president human napildi si Doongan SK chairman Reymond Java.
Samtang napiling vice president ang SK chairman sa Brgy. JP Rizal nga si Judeben Duro human usab napildi si Ong Yiu SK chairman Webster Montero.
Subay sa iyang kada-ugan, mapasalamaton si Nietes sa eksklusibong pakighinabi sa Bombo Radyo Butuan, nga daghan gihapon ang misalig kaniya taliwa sa iyang pagluwat ning mi-aging tuig isip vice-president.
Misaad siya nga ubos sa iyang kadumalahan, kanunay niyang tamdan ang consultative process kondiin kunsultahon niya ang tanang mga SK chairmen alang sa mugnaon nilang mga plano nga dalhon nila dili lang sa hawanan sa konseho ning siyudad apan apil na sa regional ug national level.
Bisan matud pa ug sa tan –aw sa uban, istrikta siya apan makasalig ang sector sa kabatan-unan ning siyudad nga iyang himuon ang tahas nga gihatag kaniya aron dili kini ma-usikan pa.
Misaad usab ang opisyal nga paningkamutan niyang ma-capacitate sialng mga bat an-on aron makama-ong mugama og plano alang sa ilang mga programang ipatuman kansa mao matud pa ang hinungdan nga ning mi-aging tuig, naglisod sila pagkuha og pundo alang sa ilang mga nakahan-ay nga mga proyekto.
