BUTUAN CITY – Init nga welcome ceremony ang misugat kaganina sa may PPA port ning siyudad sa Butuan alang sa duha ka mga Balangay boats nga gikan pa sa Palawan ug naghimo og 500-ka adlaw nga countdown alang sa Quincentennial Commemorations kon pagsa-ulog sa kasa-ulugan, pagka-Kristiyano ug katawhan sa Pilipinas.
Ang duha ka mga balangay boats nga ginganlan og Raya Siyagu ug Raya Kolambu nga gikan pa sa Palawan, unang midunggo sa Cebu City diin gihimo ang kick-off ceremony sa quincentennial commemorations nga gisaksihan usab sa mga local officials sa Butuan sa pagpanguna nila Congressman Lawrence Fortun, Mayor Ronnie Vicente Lagnada ug sa mga miyembro sa Sangguniang Panlungsod.
Sa eksklusibong pakighinabi sa Bombo Radyo Butuan, gipadayag ni expidition leader ug kanhi Department of Environment and Natural Resources kon DENR undersecretary Art Valdez, dili nila mahulagway ang gibating kalipay tungod sa init nga pagdawat sa mga Butuanon kanila pinaagi sa pagwara-wara sa mga tawong anaa kilid sa Agusan river ang bandila sa Pilipinas.
Dugang pa niini, espesyal karong adlawa alang sa mga Butuanon tungod kay kini ang unang higayong nasaksihan sa tanan ang tinuod nga balangay boats kansa lahi ra kung mga artifacts lamang ang makita sama sa gi-display sa museum ning siyudad.
Kini tungod kay ang unang plano sa ilang grupo mao man unta ang pagtabok sa Sahara dessert human unang nakatala og world record sa pagsaka nila sa Mt. Everest.
Duna matud pa’y naka-awhag kaniyang mugama sa pinaka-unang mode of transportation sa Pilipinas adiser kini nadiskubrehan sa mga langyaw hinungdan nga ilang gigama ang maong bangka.
Dugang pa ni Valdez, igo na unta alang sa iyang grupo nga mahimo ang tinuod nga replica sa makasaysayanong bangka tungod kay dakong dungog kini alang kaniya.
Apan mipatigbabaw ang iyang kasibot nga sulayan kung unsa gyod kalig-on ang maong klase sa bangka ilabina kung hapakon na kini sa dagkong balod sa kadagatan ingon man kung makabagat kini og bagyo atol sa mga paglawig.
Kini matud pa ang rason nga nakadesisyon silang ilawig kini human nagpatudlo kalabot sa mga angayang buhaton ug nagdesisyon silang abton ang dakbayan sa Butuan – ang lugar nga gigikanan sa maong klase sa bangka aron mahatagan og ideya ug personal nga makita sa mga Butuanons ang tinuod nga balangay boats.
Nasayrang sa international port sa Nasipit, Agusan del Norte ipahukay ang bangka aron masigurong luwas kini gikan sa mga posibleng kadaut nga mahatud gikan sa dagkong balud ug sa mga posibleng ma-aanod nga kahoy sa Agusan River.
