Butuan City – Gidayig og gihisgutan karon ang gihimong kaayo sa Filipino surfer tungod sa pagluwas niya sa kalabang Indonesian surfer samtang nagpadayon ang kompetisyon sa SEA Games sa lungsod sa San Juan, La Union.
Samtang dungan nga magpakita unta sa tagsa tagsa nilang tricks ang duha ka atleta, nahulog ang Indonesian surfer nga si Arip Nurhidayat gikan sa surf board og natangtang ang lesh niini o hukot sa iyang tiil.
Dihang namatikdan sa coach sa Team Philippines nga gidala palayo sa mga dagkong balod ang surf board sa langyaw gilayong gimanduan niini ang event organizer nga tawagon ang Filipino surfer nga si Roger nga tabangan ang kalaban.
Tungod niini, samtang anaa tunga tunga sa pagpakita og tricks gihimong kini ni Casugay og giluwas ang Indonesian gamit ang kaugalingong surfing board.
Namakpak ang mga delegado og mga spectators dihang nakita nga daw pelikula nga nagsakay ang duha sa surf board sa Filipino surfers samtang padunggo sa baybayon.
Para sa uban, makatambok sa kasing-kasing ang gihimo sa kababayan sa ngadto sa iyang dikit nga kalaban.
Tungod sa gibuhat ni Casugay nga gipili niining ihunong ang pagdula aron tabangan ang kalaban.
Mapasigarbohong giwara wara sa mga kababayang Filipino nga nilantaw sa pangpang ang dala niining bandera sa Pilipinas tungod sa grabeng kalipay.
Samtang, suspindido ang surfing competition karong adlawa tungod sa nahitabong insidente.
