-- ADVERTISEMENT --
BUTUAN CITY – Gibana-banang mukabat sa tunga sa milyon ka pesos ang damyos nga natala human gilamoy sa kalayo ang panghaw sa kusinang bahin sa Greenwich nga nahimutang sa sulod nga bahin sa Gaisano Mall ning siyudad sa Butuan.
Gani ang maong insidente maoy hinungdan nga pasado alas-onse na hingpit nga gi-ablihan ang mall dihang nasigurong luwas na kining ukupahan.
Gibutyag ni FO3 Eric Alvin Gayon sa Bureau of Fire Protection-Butuan, nasubay nilang sa panghaw nga bahin nagsugod ang kalayo kansa sukwahi sa una nilang gitu-uhang air conditioning unit diin duna’y gihimong repair.
