BUTUAN CITY – Dakong garbo ang hatud Butuanon dance group nga Filimeter Crew human sila mitapos sa ikatulong pwesto sa UDO Asia Pacific International Dance Championship 2019 nga gipahigayon sa kauluhang Manila.
Sigon sa lider sa grupo nga si Jobert Te Rentor, 22-anyos, sila ang nagrepresentar sa dakbayan sa Butuan og sa tibuok Pilipinas sa hip hop dance competition kondiin napulo ka mga nasud ang ilang naka-agbat.
Apil sa ilang naka-agbat ang Japan, China, United Arab Emirates, Russia, India, Malaysia, Thailand, Singapore ug Vietnam. Gawas sa pagtapos nila isip 3rd placer diin nahatagan sila og trophy, nakasakmit usab sila og lima ka mga bronze medals.
Alayon niini, nangandam na sila alang sa pag-qualify nila sa Winter Gardens Blackpool United Kingdom nga himuon sa Agusto 20 ngadto sa 3 sunod tuig.
Namugna matud pa ang ilang grupo niadtong tuig 2012 kondiin gilangkuban kini sa iyang mga higala gikan sa nakada-iyang lugar kasikbit sa Butuan apan tungod kay duna na’y trabaho ang uban samtang kulang usab sa kwarta, rason nga lima lang sila nga misalmot sa sayaw.
