BUTUAN CITY – Gidetalye sa Baguio City Police Office ang mga pag-antos nga nasinatian ni Cadet 4th Class Darwin Dormitorio adiser kini sa namatay.
Sa timeline, nasuta nga Agusto pa lang, gisumbag na og makadaghang higayon si Dormitorio dihang iyang nagasto ang katunga sa iyang allowance ug pagka-Agusto 20, na-confine na siya sa PMA Hospital tungod sa hematoma kon pagtibuok sa dugo sa iyang tiyan ug likod gawas pa sa mga paso sa iyang braso.
Paggawas niya sa ospital sa Agusto 28, gilaparo matud pa siya ni Cadet 3rd Class Shalimar Imperial hinungdan nga midugo ang iyang ilong, Pagka-Septembre 14 sa gabii, gigapos ang iyang mga kamot samtang naghigda og gitabunan og plastic ang iyang nawong.
Pagka-Septembre 17 gitawag siya ni 1st Class Cadet Axl Rey Sanupao aron pangitaon ang nahanaw’ng comat boots ug paglabay sa pipila ka oras, migawas sa kwarto si Dormitorio nga nagkurog-kurog sa kasakit.
Subli siyang gidala sa ospital apan gipagawas sa usab tungod kay urinary tract infection kon UTI lang matud pa ang iyang gihambing sakit.
Pagka-gabii, naglingkod sa salog si Dormitorio apan gisipa pa sa ulo sa upper classman aron lang mutindog og nagsuka rason nga mibalik kini sa kwarto og didto iyang na-abtan ang iyang classmate nga gipakuryentihan na usab sa usa ka upperclass man ug gi-apil siya pagkuryente.
Pagka-kaadlawon, nakitang wala’y panimuot si Dormitorio rason nga subli kining gidala sa ospital apan gideklarang patay paglabay sa kapin usa ka oras.
Sigon ni BCPO Director Col Allen Rae Co, gawas sa paglapas sa anti-hazing law, gitun-an na usab nila ang pagpasaka og kasong murder batuk sa mga suspek.
Samtang gibutyag sa pamilya Dormitorio nga dili madawat ni retired Col. William Dormitorio ang pagkamatay sa iyang anak ilabina nga gikan usab kini sa PMA.
Sigon ni Dexter nga igsoon ni Darwin, disyamado ang ilang amahan tungod kay wala kini magtuong ang institusyon nga naghulma kaniya kung unsa siya karon, mao diay ang mupatay sa iyang igsoon.
