BUTUAN CITY – Wala’y natalang damyos ug injury human gitay-og sa magnitude 4 nga linog ang lungsod sa Remedios T. Romualdez kon RTR, Agusan del Norte kaganinang alas-11:14 sa buntag.
Base sa earthquake bulletin sa PhiVolcs-Surigao, tectonic ang gigikanan sa linog nga nasubay sa gilay-ong 15-kilometros sa sidlakang bahin sa RTR.
Sigon ni Daphne Agonia sa PhiVolcs-Surigao, ang maong pagtay-og maoy hinungdan sa nasinatiang intensity III nga gikusgon sa maong lungsod ingon man sa Sibagat, Agusan del Sur samtang intensity II usab dinhi sa dakbayan sa Butuan ug sa Surigao City og intensity I sa Gingoog City lalawigan sa Misamis Oriental.
Ang maong linog gisundan usab sa magnitude 3 nga aftershock paglabay sa 5-minutos kon alas-11:19 ang takna sa buntag.
