BUTUAN CITY – Pormal nga ilusad sugod unyang ala-una sa hapon sa Transportation Franchising and Regulatory Board kon LTFRB-Caraga ang Tsuper Iskolar program sa may Robinson’s Place ning siyudad.
Sigon ni regional director Cristina Cassion, mulungtad kini unyang alas-singko sa hapon kondiin kaabag nila sa paglusad ang Technical Education Skills and Development Authority kon TESDA-Caraga.
Gipasabot ni Cassion nga ang Tsuper Iskolar, usa ka programa sa nasudnong kagamhanan alang sa tanang mga jeepney drivers og operators apil na sa ilang pamilya ilabina kadtong na-apektuhan sa e-dyip modernization program.
Sa pagkakaron, kapin sa 600 ka mga benepisyaryo na sa tibuok rehiyon nga ang-edad og 18-anyos pataas ang mutambong sa maong kalihukan. Ubos sa maong programa, mupa-ilalom sa driving traning ang mga benepisyaryo og ang duration sa ilang training magdepende sa kurso ug programang ilang kuhaon.
Gawas sa launching sa Tsuper Iskolar apil sa i-introduce sa TESDA karong adlawa ang lain nilang mga kurso gawas sa driving.
Gituyo kini alang niadtong dili na gustong magmaneho ug mas ganahang mag-venture sa natad sa agrikultura aron mahimo nila ang ilang gusto.
