BUTUAN CITY – Hingpit nang nasikop sa mga sakop sa Police Regional Office kon PRO 13, ang nag-apply nga katabang apan gilayasan ang mga senior citizens niining amo sa Surigao City bitbit ang mukabat sa 5-milyones pesos nga kantidad sa mga alahas.
Sigon ni PLCol. Christian Rafols – tigpamaba sa PRO-13, nakadawat sila og tip gikan sa usa ka concerned citizen rason sa malampuson nilang pagsikop sa suspek nga unang nagpa-ilang si Grace Monles Moralde.
Nadakpan siya pasado alas-siete kagabii sa may Brgy. 2, lungsod sa Tubay, Agusan del Norte ka-uban ang gibana-banang 20-anyos niining hinigugma.
Narekober pa gikan sa iyang posisyon ang mahalong relo ug ariyos nga diamond apil na ang mga resibo gikan sa pawnshop diin niya gipangprenda ang gikawat nga mga alahas apil na ang police sports uniform nga posibleng gigamit usab niini sa iyang pagpangilad.
Narekober usab ang duha ka mga sakyanang gi-abangan matud pa sa suspek nga posible matud pang ibaligya niini.
Nasayran pa sa opisyal nga daghan kini og gigamit nga mga pangalan sa iyang modus sa Surigao City nga maoy iyang gihimong panginabuhian.
