BUTUAN CITY – Padayon ang pagtumbok sa motibo sa pagpasil-patay sa usa ka kanhi barangay kapitan pasado alas 4:00 sa hapon sa may Brgy. Cabantao, Rosario, Agusan del Sur.
Gi-ila ni Police Captain Aldrin Camu, Officer-In-Charge sa Rosario Municipal Police Station ang biktimang si Teofilo Villafuerte, 60-anyos ug residente sa maong dapit.
Sigon sa opisyal, kalit na lang gipusil ang biktima sa 4 ka mga lalaking sakay sa motorsiklo diin dili mu-ubos sa 10 ka mga samad pinusilan ang iyang na-angkon hinungdan sa iyang hinanaling kamatayon.
Nakuha sa dapit nga nahitabuan ang mga basiyo sa mga bala sa 9mm ug punto kalibre 45 nga pistola.
Sumala pa ni Police Captain Camu, wala matud pa’y madumduman ang asawa sa biktima nga duna kini naka-away apan duna nay mga gipanubayan nga motibo karun ang kapulisan.
