BUTUAN CITY – Gihikay na sa mga otoridad ang mga kasong ilang ipasaka batuk sa usa ka kanhi pulis human nakuhaan og siyam ka sachets sa genuine nga shabu, ingon man Granada atol sa gilusad nga buy bust operation pasado alas-6:45 kagabii sa gawas nga bahin sa Lipata Port sa Purok 1, Brgy. Lipata, Surigao City.
Naila ang nadakpang si Jeffrey Tubillo Ellazo, 35-anyos, minyo og residente sa Purok Mauswagon, Brgy. Magsaysay, lungsod sa Placer, lalawigan sa Surigao del Norte kinsa gi-ilang high valued target sa Philippine Drug Enforcement Agency kon PDEA og nadestino kaniadto sa San Mateo, Rizal.
Sigon ni PDEA-Caraga spokesman Dindo Abellanosa, gihimo ang operasyon human mikanaog sa gisakyan niyang ferry boat ang suspek samtang sakay sa gikarga niyang Honda vehicle.
Nakumpiska gikan sa car luggage compartment sa iyang sakyanan ang upat ka dagkong sachets sa shabu nga nagsilbing buy bust items, usa ka itom nga pouch nga duna’y sulod nga lima ka sachets usab sa shabu balor 34-mil pesos, pitaka nga duna’y sulod nga 2,590 pesos, upat ka 4 buok nga boodle money, kolor blue nga backpack nga duna’y hand grenade og tulo ka cellphones.
Nasayrang duna’y pending nga kaso sa RTC Branch 93, sa Antipolo City si Ellazo tungod sa paglapas sa Section 11
Gidugang sa opisyal nga duna’y mga koneksyon og impluwensya ang suspek sa law enforcement, ug gika-ingong nalambigit sa gun running kon pagpalusot og mga armas ingon man personal nga paghatud sa iyang mga goods sa bisan asang dapit sa nasud.
Tungod niini, apil sa mga kasong iyang atubangon ang illegal selling, illegal possession of dangerous drugs, illegal possession of drug paraphernalia ubos sa Article II sa Republic Act 9165 ingon man illegal possession of explosive.
