BUTUAN CITY – Tanggong sa prisuhan ang 18-anyos nga gidudahang tigpayuhot og ginadiling drugas human nasikop sa buy bust operation sa nakalabay’ng alas 8:00 sa gabii sa Purok 6 A, Brgy. Buhangin ning siyudad sa Butuan.
Gihimu ang operasyon sa mga personahe sa Butuan City Police Station kon BCPS-1 og na-aresto ang suspek nga si Mark Joseph Alejandro alyas Pawpaw, residente sa Kadiyawan, Brgy. Mahay, Butuan City human napalitan og usa ka sachet nga duna’y sulod sa gitu-uhang shabu sa nagpailang poseur-buyer.
Narekober sa posisyon gikan sa suspetsado ang marked money, gitu-uhang shabu nga nagkantidad og 11-mil, 800 pesos ug uban pang drug paraphernalia.
Ang suspek ug nakuhang mga ebidensiya gikustudiya na sa BCPS-1 alang sa tukmang disposisyon.
