BUTUAN CITY – Kasong paglapas sa Republic Act 9165 ang atubangon sa usa ka drug personality human nagmalampuson ang pag-serve sa search warrant pasado ala-1:05 sa kaadlawon nga gi-isyu sa sala ni Judge Francis Rafil sa Regional Trial Court, Branch 2 nga nakabase sa Brgy. Libertad ning siyudad.
Gi-ila ni Butuan City Police Station 4 commander PCapt. Rodel Dorado, ang nadakpang si Leodemar Hermogeno, 27-anyos, ulitawo og residente sa Purok 5, Brgy. Sto. Niño ning siyudad.
Sa eksklusibong pakighinabi sa Bombo Radyo Butuan, gibutyag ni Captain Dorado nga unom ka sachets sa gidudahang shabu nga gibana-banang mikantidad og 5-mil pesos ang nakuha gikan sa iyang posisyon apil na ang ubang illegal drug paraphernalia.
Migawas pa sa ilang imbestigasyon nga usa diay si Hermogeno niadtong grupo sa mga nakamotorsiklong lalaking naghubo tungod sa lokasyon sa station of the cross sa Brgy. Anticala adiser ang Biernes Santo. Human nakuhaan og gidudahang shabu, gitu-uhang naka-drugs kini og ang iyang mga ka-ubanan niadtong gibinastusan nila ang lokasyon sa via cruzes.
Dugay na matud pa nilang gipanid-an ang suspek nga gi-ila lang nilang street level hangtud nga nakumpirma nila ang illegal nga lihok niini human nabasa ang mga mensahe sa nahulog niyang cell phone.
