BUTUAN CITY – Mi-abot sa 224 ka mga regular members sa bag-uhay lang na-organisang Filipinas Palm Oil Plantation Independent Workers Union kon FPPIWU, ang hini-usang nagdeklara sa Communist Party of the Philippines, New People’s Army and National Democratic Front kon CPP-NPA-NDF isip persona non-grata sa mga lugar nga cover sa Filipinas Palm Oil Plantation Incorporated kon FPPI.
Apil niini ang mga lungsod sa Rosario og San Francisco lalawigan sa Agusan del Sur nga gihimo atol sa dayalugo sulod sa FPPI Compound.
Pinaagi sa ilang Resolution Number 2, Series of 2019, gikondena sa mga FPPIWU officers og mga membro ang CPP-NPA-NDF apil na ang mga ka-alyado niining organisasyon sama sa Nagkahiusang Mag-uuma sa Agusan del Sur kon NAMASUR og Kilusang Mayo Uno kon KMU.
Kini tungod na usab sa kagubot nga ilang dala sa mga komunidad og padayong paggamit sa kabus nga mga mag-uuma og mga trabahante sa FPPI.
