BUTUAN CITY – Nag-anam na pagkuha og atensyon sa tibuok kalibutan ang pre-colonial boat ning siyudad sa Butuan og tibuok Pilipinas nga mao ang balangay boat.
Kini human nahimong 3rd placer sa Amsterdam Canal Pride Parade nga gipahigayon sa Amsterdam, Netherlands ang unang pagsalmot sa mga Pinoy sa maong parade.
Gipangunahan ni Mr. Gay World 2019 Philippines Janjep Carlos, ang contingent sa Filipino LGBT Europe sa pagsalmot sa maong boat sailing competition kondiin naka-atbang niini ang laing 79 ka mga international boats.
Napili sa mga Pinoy organizers ang balangay boat aron masubay sa tema karong tuiga “Remember the past, create the future.”
Ang tema naghandom sa Stonewall riots, nga mi-ulbo sa New York 50 ka mga tuig na ang nakalabay og mimugna og decisive moment sa kasaysaysan sa LGBT movement.
