BUTUAN CITY – Nanghugyaw sa kalipay dili lang ang tibuok pamilya Libranza kundi apil na ang mga silingan, tibuok Caraga Region og Pilipinas human midaog si Genisis Libranza sa undercard bout niini sa Pacquiao vs Thurman Fight kagahapon sa MGM Grand Arena sa Las Vegas, Nevada.
Nasakmit ni Libranza ang kadaugan batuk sa Los Angeles-based nga si Carlos Maldonado pinaagi sa technical knockout sa ika-upat nga round.human gidomina ang unang mga rounds sa away rason sa natala niya karong 19 ka daug, usa ka pildi og 11 ka knockout.
Sa eksklusibong pakighinabi sa Bombo Radyo Butuan,gibutyag sa manghod ni Genisis nga si Jim Libranza, nga sa pagsugod pa lang sa dula, sagol kakulba og kahinam na ang ilang mga gibati, og dihang midaog na kini, hilabihan ang ilang paglukso tungod sa kalipay.
Sumala ni Jim, nakab-ot sa iyang igsoon ang kadaugan tungod sa hugot niyang pagpangandam sa maong dula gawas nga nakatabang pa og dako ang kondisyon sa iyang lawas ug pagsalig sa Ginoo nga maoy nag-unang kusog niya sa maong dula.
