BUTUAN CITY – Mikutlo sa kinabuhi sa usa ka barangay kagawad ang natigayong disgrasya sa kadalanan sa nakalabay nga alas 12:40 sa udtu sa may Distrito 4, Brgy. Camagong, Nasipit, Agusan del Norte.
Naila ang biktima nga si Alex Raot Raot Adlawon, 53-anyos, menyu og barangay kagawad nga taga Purok 1, Brgy. San Agustin, Carmen, Agusan del Norte.
Sa nakuhang impormasyon gikan sa kapulisan, sakay ang biktima sa Yamaha Mio nga walay plaka numero gikan sa siyudad sa Butuan og padulong unta sa lungsod sa Carmen. Pag-abot sa nahitaboan, kalit kining mibangga sa gibutang nga poste nga puthaw sa kilid sa dalan.
Tungod sa kakusog sa pagkabangga, nadamyos ang sakyanan og ang drayber nakahiagum ug mga injuries nga daling gidala sa Nasipit District Hospital alang sa hinanaling pagpanambal apan gideklara kining dead on arrival sa attending physician nga si Dr. Kim Adrian C. Lompot.
Gikustudiya usab ang single motor sa Nasipit Municipal Police Station alang sa tukmang disposasyon.
