BUTUAN CITY – Nadakpan si Analou Jovellar Burdeo, dalaga, 38-anyos ug residente sa P-3 Maningalao, Las Nieves, Agusan del Norte sa gipahigayong buy bust operation sa Purok 4 Brgy Ong Yiu, Butuan City alas 11:30 gahapon sa buntag.
Ang nasangpit nga malampusong anti-illegal drugs operation gilusad sa mga personahe sa Butuan City Police Station 2 sa pagpanguna ni P/ CPT, JAYEWARD S DULATRE, Station Commander, Maritime PS sa pagdumala ni PMAJ PEDRO C GORRE og sa pakig-alayon na sa Philippine Drug Enforcement Agency kon PDEA-Caraga.
Nasikop ang suspetsado human nalambigit sa illegal drugs sa dihang napalitan og usa ka sachet nga dunay sulod sa gitoohang shabu nga dunay gibana-banang kantidad nga 2-mil pesos ngadto sa poseur-buyer.
Lakip sa Nakumpiska usab sa iyang posisyon ang 3 ka sachet sa gitoohang shabu diin sa katibuk-an mitimbang kini ug 2 ka gramos nga dunay market value nga 23-mil 600 pesos. Nakuha usab ang duha ka cellphone ug 800 pesos nga cash.
Ang suspetsado ug nakuhang mga ebidensiya, gikustudiya na sa BCPS-2 alang sa tukmang disposasyon.
Samtang nakatakdang mag-atubang ang nadakpan sa kasong paglapas sa R.A 9165, ilabina sa Section 5 o ang pagpamaligya sa illegal nga drugas ug Section 11 sa possession sa Illegal Drugs.
