BUTUAN CITY – Gibana-banang maukabat sa tunga sa milyon ka pesos ang damyos sa nahitabong sunog kagahapon sa alas 3:15 sa hapon sa Purok Magdamayan, Barangay Agusan Pequeño ning siyudad sa Butuan.
Sumala ni FO3 Bodiongan, gi-isa sa ikaduhang alarma ang sunog nga nadeklarang fireout pasado alas-singko na sa hapon human girespondehan sa 5 ka firetrucks diin 3 niini gikan sa Butuan City fire department ug 2 sa Agusan Chinese-Filipino fire brigade.
Base sa inisyal nga imbestigasyon, nasuta nga gikan ang kalayo sa panimalay ni Wilson Hinayon nga nilamoy sa laing 3 ka kasikbit nga panimalay nila Diosdado Basa, Cesar Butao ug Leuterio Ladaw, Sr. aog sa San Francisco de Sales Tulay Chapel nga midamay pa sa motorized nga sakyanan.
Wala’y natalang patay o kaha angol sa maong insidentea ug padayon pa usab nga gisuta ang hinungdan sa pag-ulbo sa kalayo.
