BUTUAN CITY – Ipahigayon karung Biernes ang Search For the Largest Tilapia 2019 sa may Northern Mindanao School of Fisheries kon NMSF sa Buenavista, Agusan Del Norte.
Sa pagpasabot pa ni Victoria Sumayod tigpamaba sa NMSF, giklaro niining tibook tuig ang gihimung pa-contest diin sa matag bulan dunay lain-laing klase sa isda.
Gawas sa tinguha nga dunay makasulod sa Guiness World of Records, tumong usab sa aktibidad nga ma-promote ang tunghaan nga leading producer sa mga competent nga graduate sa Fisheries og Marine program.
Samtang maila ang mga mangingisda nga nakakuha o nagbuhi sa mga dagkong isda.
Sigon pa ni Sumayod nga abli alang sa tanan ang maong contest diin dunay naghulat nga cash prizes nga 5-mil pesos sa makadaog samtang tag-usa ka libo ka pesos sa unang 5 ka non winning entry.
Lakip sa gipaklaro sa opisyal nga ang tanang isda nga kwalipikado sa maong contest ibilin na nila kini sa eskwelahan.
