BUTUAN CITY – Gisa-ulog sa katawhan ning siyudad sa Butuan uban sa Butuan Historical, Cultural Foundation Inc. kon BHCFI ang ika-120 na nga kasumaran sa pormal og opisyal nga pagpakayab sa Philippine flag dinhi sa Mindanao nga gipahigayon sa Rizal Park nga karon mao ang Guingona Park ning siyudad sa susamang adlaw niadtong tuig 1899.
Gitambungan ang maong kalihukan sa mga opisyal ning siyudad pagpanguna nila Mayor Ronnievic Lagnada og Vice Mayor Joeboy Aquino uban sa mga konsehal.
Gi-ubanan usab kini sa mga opisyal gikan sa nagkada-iyang government line agencies, mga local church leaders, ingon man mga local historians pagpanguna ni Greg Hontiveros.
Sa pagpamulong ni Vice Mayor Joeboy Aquino, gipadayag niining dakong garbo sa tanang mga Caraganons ilabina sa mga Butuanons nga dinhi sa siyudad pormal og opisyal nga gipakayab ang bandila sa Pilipinas alang sa pulo sa Mindanao.
Kini pamatuod matud pa nga sa maong tuig, daan nang gi-ila sa nasudnong kagamhanan ang Butuan nga kabahin na sa Republika sa Pilipinas. (Beth Ruiz)
