BUTUAN CITY – Nadawat na kagahapong adlawa sa Police Regional Office kon PRO-13 ang walo ka mga collapsible tents nga nagkantidad og P695,600 kansa kabahin sa PNP modernization program sa Philippine National Police kon PNP human ang ceremonial turn-over ug blessing niini.
Gipangunahan ang maong kalihukan nila Director Romel Natad, ang Provincial Director sa Technical Education, Skills and Development Authority kon TESDA-Surigao del Sur, ang guest of honor uban ni PBGen Pablo Labra II, ang PRO-13 Director.
Ang maong mga collapsible tents ipanghatag ngadto sa Regional Medical and Dental Unit 13, Regional Mobile Force Battalion 13, Butuan City Police Office, Agusan del Norte Provincial Police Office (PPO), Agusan del Sur PPO, Surigao del Norte PPO, Surigao del Sur PPO ug Dinagat Islands PPO aron gamiton nga advanced medical post o kaha incident command post.
Kini nga mga logistical resources duna’y dakong papel sa paghatag og essential medical care o kaha operational support, ilabina sa panahon sa emerhensya.
