BUTUAN CITY – Nakatala kagahapon ang Caraga Region og pinakadaghang ihap sa mga namatay tungod sa COVID-19 nga mi-abot sa walo samtang pinakadaghang mga bag-ong kaso usab karong bulana nga mi-abot sa 292 kondiin ang 288 niini naka-isolate pa samtang 147 ang mga bag-ong nakarekober.
Pinakadaghan ang natala sa Surigao del Sur nga mi-abot sa 109 ka mga bag-ong kaso nga gisundan sa 56 sa Bislig City; Agusan del Norte-40; Agusan del Sur-37; Cabadbaran City – 26; Butuan City-13; Tandag City-8; tulo sa Bayugan City; tagduha sa Surigao City ug Dinagat Island province ug usa sa Surigao del Norte.
Tungod niini, mi-abot na sa 16,300 ang cumulative COVID-19 cases ning rehiyon diin 3,315 ang naka-isolate samtang 12;496 na ang nakrek,ober ug mi-abot na sa 489 ang kinatbuk-ang patay.
