BUTUAN CITY – Gikumpirma sa Department of Health kon DOH-Caraga nga mitala og 78 ka bag-ong positibong kaso sa Covid-19 ang rehiyon kagahapong adlawa lakip na ang 3 nga nadugay sa listahan sa napatay tungod sa maong virus.
Sumala sa online press breifing sa buhatan pinaagi ni DOH-Caraga assistant regional director Gerna Manatad, sa maong ihap 60 porsiento mga babaye og 40 porsiento ang lalaki.
Ang positibong kaso nagsumikad sa Agusan Del NOrte nga dunay 17 pinaagi sa mga munisipalidad sa Buenavista dunay 2; Carmen-3; Nasipit-4; og Remedios T. Romualdez kon RTR nga dunay 8. Sa Agusan Del Sur dunay 2 pinaagi sa Sibagat og Talacogon; sa Surigao Del Sur nga dunay 4 pinaagi sa Barobo nga dunay 1; og Lianga-3; samtang usa usab sa Tubajon, Dinagat Island. Ang Surigao City usab dunay 1; Bislig City-8; samtang Butuan City nga dunay 45. Sa bag-ong kaso, 30 ang health care workers, 20 ang dunay closed contact sa kanhe positibo sa virus, 13 ang local transmission, 7 ang frontliners, 3 ang locally stranded individuals kon LSI samtang 5 ang dunay travel history sa mga lugar nga dunay local tranmission.
Sa nasangpit nga mga bag-ong Covid-19 positives sa Caraga, 38 ang asymptomatic og 37 ang nakasinati sa mild symptoms samtang 3 ang severe.
Samtang ang 3 nga bag-ong natalang napatay tungod sa Covid-19 mao ang 60-anyos nga babaye sa Bislig City nga dunay Diabetes og Kidney Failure diin walay travel history sa mga lugar nga dunay local transmission.
Gi-admit kini niadtong Setyembre 2 og napatay sa Setyemre 9. Ang ikaduha mao ang 28 anyos nga lalaki nga gikan sa Bislig usab diin dunay hypertension, walay travel history sa mga lugar nga dunay covid-19 og gidala sa ospital niadtong Setyembre apan gideklarang dead-on-arrival.
Ang ikatulo mao ang 72-anyos nga lalaki gikan sa Butuan City nga naghambin sa Pulmonary Tuberculosis diin gidala sa ospital niadtong Setyembre 11 apan gideklara gihapong dead on arrival.
Sa kasamtangan ang katibuk-ang Covid-19 cases sa Caraga miabot sa 783 diin 413 ang nakarekober, 349 ang aktibong kaso og 21 nang napatay.
