BUTUAN CITY – Gi-ubanan mismo ni Mayor Richelle Romarate sa lungsod sa Tubod, Surigao del Norte ang iyang 7 ka mga Barangay Kapitan ug usa ka SB Member nga mitahan ngadto sa Phil. Drug Enforcement Agency kon PDEA-Caraga.
Giila ni PDEA Caraga Reg’l Director Gilbert Buenafe ang mitahan nga si SB Member Andrew Imboy ug ang mga barangay kapitan nga sila Melicio Tado sa Brgy. Capayahan, Reynaldo Juanite sa Brgy. Cawilan, Panfilo Labandia sa Brgy. Marga, Christopher Gales sa Brgy. Motorpool, Carmelito Arado sa Brgy. San Isidro, Almondino Imboy sa Brgy. Labadan ug Rosario Saga sa Brgy. Timamana.
Tumong matud pa sa pag-submiter sa ilang kaugalingon ang pagpa-ilalom sa drug test aron maklaro ug matuldukan ang mga isyu nga sumala pa nalambigit sa drug trade ug naggamit sa illegal nga drogas ang mga opisyal sa lungsod.
Sa nakuhang impormasyon mahitungod sa resulta sa drug test, nagnegatibo matud pa sa paggamit ug illegal nga droga ang nasangpit nga mga opisyal.
