BUTUAN CITY – Miabot sa 51 ka mga kaso sa covid-19 ang pinaka-ulahing nadugang sa rehiyon sa Caraga diin sa maong ihap 30 ang mga lalaki og 21 mga babaye.
Kini nagsumikad sa Agusan Del sur nga dunay 8 pinaagi sa mga lungsod sa San FRancisco-6, BUnawan-1 og Sibagat-1; Sa Bayugan City dunay 1; Surigao Del Sur-3 pinaagi sa mga lungsod sa Tago-2, Lanuza-1; Surigao City-9; Tandag City-4; Bislig City-3; og Butuan City nga dunay 23 pinaagi sa mga barangay nga Villa Kananga-5, Libertad-4, tag-3 sa Bayanihan, Diego Silang og Tandang Sora, tag-usa usab sa Agusan Pequeño, Ampayon, Doongan, Mahogany, og San Vicente.
Sa mga bag-ong kaso, 45 ang local transmission diin 31 ang bag-ong local transmission, 8 ang dunay close contact sa nagpositibo sa sakit, 4 ang health care workers og 2 frontliners. Miabot sa 21 ang asymptomatic, 23 ang dunay mild symptoms, 4 ang severe og 3 ang critical.
Samtang dunay 8 ka mga bag-ong napatay tungod sa maong sakit. Kini gilangkuban sa 71-anyos nga lalaki sa Nasipit, Agusan Del Norte; 72-anyos nga lalaki og 57-anyos nga lalaki sa Butuan City; 52-anyos nga babaye sa San FRancisco, Agusan Del Sur; 87-anyos nga lalaki og 73-anyos nga babaye sa Surigao City; 57-anyos nga lalaki sa Tandag City; og 72-anyos nga lalaki usab sa Surigao Del Sur.
Sa karun duna nay katibuk-ang 1, 527 nga kaso sa Covid-19 ang Caraga diin 944 ang nakarekober, 525 ang aktibong kaso og 58 ang napatay tungod sa virus.
