BUTUAN CITY – Gikumpirma ni Edgar Palarca Jr., hepe sa Community Affairs Office sa Agusan del Norte Provincial Capitol nga lima sa ilang mga empleyado ang nagpositibo sa random drug test nga gipangunahan sa taga-Philippine Drug Enforcement Agency kon PDEA-Caraga.
Sa eksklusibong pakighinabi ning sibyahan, gibutyag sa opisyal nga regular kining gihimo sa probinsyal nga panggamhanan isip pagsunod sa provincial ordinance aron mahimong drug-free ang ilang mga work places.
Pinaagi niini, masiguro sa provincial gvoernment nga manarbaho ang tanang mga empleyado nga wala’y bationg kahadlok ug kabalaka.
Bisan og kada-tuig na kining gihimo sa ilang mga empleyado apan karon matud pa ang unang higayon nga nakatala sila og lima nga nagpositibo sa paggamit og ilegal nga druga.
Ang mga nagpositibo, ila pang ipa-ilalom sa confirmatory test aron matabangan pinaagi sa himuong intervention program kung makumpirmang migamit gayod sila og ilegal nga druga.
