BUTUAN CITY – Mitala og 5 ka mga bag-ong patay ug 42 ka mga bag-ong kaso sa COVID-19 ang Caraga Region rason nga mi-abot na karon sa 63 ang kinatbuk-ang patay ug 1,569 ang kinatibuk-ang positibo niini sa entiro rehiyon kondiin 543 ang mga aktibong kaso ug 963 ang mga nakarekober.
Sa bag-ong nadugang nga mga kaso, pinakadaghan niini natala sa Surigao City nga mi-abot sa 14, gisundan sa Agusan del Norte-7; duna’y taglima ang Bislig City ug Surigao del Norte; tagtulo sa Butuan City ug Tandag City; tagduha ang Dinagat Islands ug Cabadbaran City samtang usa sa Bayugan City.
Pinakabata sa mga bag-ong kaso ang usa ka 2-anyos nga bata samtang 95-anyos usab ang pinakatiguwang kondiin 57-porsiento kanila ang anaa sa edad nga 31 ngadto sa 60-anyos. Sa 63 ka mga nakalas, pinakadaghan ang natala ning siyudad sa Butuan nga mi-abot sa 36 nga gisundan sa Bislig City-15; tag-upat sa SUrigao City ug Agusan del Norte; duha sa Surigao del Sur samtang tag-usa sa Agusan del Sur ug Tandag City.
