BUTUAN CITY – Padayon ang nagkagrabeng ang operasyon ug presensya sa Israeli forces sa Gaza nga nagpahinayog samot sa sistemang panglawas dungan sa lapad nga pugsanong paghikling sa mga tawo ug grabeng kakulangon sa pagkain, tubig-mainom, tambal, gasolina, ug puy-anan.
Upat ka mga nag-unang ospital sa Gaza ang mihunong na sa operasyon sukad pa ning mi-aging semana tungod sa kaduol nila sa war zone ilabina nga mi-abot na sa 28 ka mga pag-atake ang gihimo ngadto sa mga health facilities.
Sa pagkakaron, 19 na lang ka ospital sa Gaza Strip ang nagpabiling bukas, apan kulang kaayo kini sa supply, wala’y igong trabahante ug padayon ang hulga sa seguridad, samtang 94% sa mga ospital, guba na.
Ang mga bag-ong mando sa paghikling, posibleng muresulta sa hingpit nang pagkawala sa mga pasilidad sa panglawas ilabina tungod sa kadaghan na sa nangaguba sa mga apektadong lugar.
Nasayrang padayong gibabagan sa giyera ingon man sa presensya sa militar ang pag-access sa mga pasyente sa panginahanglang medikal, apil na ang kakapas sa WHO ug uban pang organisasyon nga subling maghatag og suplay sa mga ospital.
